India-a cham mek Canada PM Justin Trudeau-a lawmna inkhawm Rashtrapati Bhavan-ah vawiin khan neih a ni. PM Modi hian ram hruaitu dang a mikhual ang bawkin, Trudeau hi a lo pawm a, thla te an lak ho hnu-ah, chawhnu lamah khan ram pahnih inkar chungchang an sawi dun a, insumdawn tawnna chungchang bakah, venhimna chungchangte, ralthuam lam ni loa nuclear hman dan te leh, sik leh sa chungchangte an sawi dun beisei a ni a, Canada rama Sikh sakhaw lavungtute chungchang leh a firfiaka chetna chungchang-te an sawi dun rin a ni bawk a ni. Canada PM lo zin hian huhang a ngah hle a, Sikh kal filawr-te leh, Khalistan ram din ngiattute chungchanga Canada sorkar ngaihdan-in sawisel a hlawh em avangin, mi thenkhat chuan an lo lawm vak lo a, nimin piah lama Trudeau-a puala chawhlui buatsaihah, Khalistan mi firfiak pawl hotute zinga mi, Jaspal Atwal-a sawm ve a nih vangin, boruak pawh a sang hman hle a, Atwal hian kum 1986 khan Canada-a zin Punjab Minister thah a lo tum tawh avangin, kum 20 lung-in ah a lo tang tawh a, Trudeau chuan Atwal-a sawmna lo thawntu chu zawn chhuah a tum thu leh hrem ngei a tum thute pawh a sawi a ni.
Chanchin Thar Canada PM leh PM Modi inkawm
