Canada chu G7 ram te zinga dan hnuaia ganja zuk phalrai hmasa ber ram a ni dawn ta a, he dan hi House of Commons ah vote 205-82 in a tlang a, Senate a paltlang leh ngai mahse, Senate hi chuan a hnawl thei tawh lo a, September thlaah chuan Governor in a hming ziah hnain dan puitling a nih hman rin a ni.
Ganza zuk phalrai hi Prime Minister Justin Trudeau a’n kum 2015 campaign laia a lo aupui tawh a, Canada ah hian kum 1923 a\ang tawhin Ganja hi khap a ni a, damdawia hman erawh chu kum 20 liamta khan phal a lo ni tawh a ni. Health Minister Ginette Pettitpas Tylor chuan damdawia hman tura ganja chin phal a nih tawh tho avangin dan thar siam tur hian awmze neiin ganza hman dan a khuahkhirh dawn a ni a ti. Prime Minister Justin Trudeau chuan khapna dan hman laiin awmzia a nei lo a, \halaiten awlsam taka an ban phaka dah tumna ni lovin, awmze neia thunun anih chuan Ganja-a sumdawng misual pawl rual te a ti bo ang a, khawtlang nun him zawk leh thianghlim zawk a awm theih phah beisei a ni a ti.
