He building hi tuipui kam khawpui, Sihanoukville ami, sak mek lai a ni a, China company pakhat ta a ni. Provincial governor Yun Min chuan ruang lak chhuah tawh bakah hian in chim kara tang ruang dang pawh a la awm tih a sawi a, tun hnaiah Sihanoukville-ah hian China hotel leh Casino te tam tak sak thar a ni.
Mitthi finfiah tawhte hi Cambodia mi vek an ni a, pahnih chu hnathawktu an nih laiin pakhat chu \awnglettu a ni. Information Minister Khieu Kanharith chuan mi 30 chuang chin hriat lovin an la awm tih a sawi laiin Labour Ministry chuan mi 10 aiin an tam lo niin a sawi thung. In chim chhan hi hriat chian a la ni lo tih Police lam chuan sawiin, in satute hi thu zawhfiah tura lak an ni an ti.
