California hmar lamah ram kang avangin mi 23 thi

United States, California hmar lamah ram a kan nasat avangin mi 23 an thi a, kang \helh pawlin chhun zan zawmin an buaipui mek a ni. Khaw pakhat phei chu thliin a beng fuha kang vak thei a nih avangin mipuite an insaseng tawh a, he khua, Napa phairuama Calistoga-a cheng, mi 5,000 vel chu nimin khan an insaseng a ni. Kang \helh pawl hotu, Steve Campbell chuan he ram kang kal zel dan tur hi thli beng danin a hril dawn niin Reuters a hrilh a, thli hi a chak viau phei chuan a hlauhawm hle dawn niin a sawi. Pathianni a\ang khan he bialah hian ram a kang a, chin hriat loh pawh an awm nual nia hriat a ni a, ram acre 1,70,000 vel a kang chhe tawh a, in 3,500 vel a kang chhe tawh bawk. Hetia ram a kan vak chhan hi sawi chian ni lo mah se, kawlphetha p>kna hrui chu thli chak takin a nuai vangin a \êk a, hei hian ram a tikang nia sawi a ni a, Santa Rosa an tih, khawvela wine siamna hmun hmingthang taka khawpui lian ber pawh chhuahsanna tur thurawn chhuah a ni tawh a, Napa phairuama wine siamna hmun 13 pawh ram kang avang hian a chhe tawh nia hriat a ni. Nizan tlai tawh lam thleng khan Sonoma bialah mi 285 vel, chin hriat lohvin an awm bawk a ni.