District Collector, Nidhi Nivedita-i’n BJP mi leh sa pakhat a beng lai video thlalak chu a darh chak hle a ni. Nivedita chuan section 144 tlawh chhanin mi 50 a\anga 100 inkar punkhawm khap a nih vangin kawngzawhtute police leh thuneituten dan an tum a, an zinga \henkhat chuan hmeichhe officer pakhat chu a samah \hamin a pet a, hmeichhe police dang pahnih te pawh an kawr phelhsak an tum niin a sawi.
Inrinni khan Rajgarh district-ah hian Section 144 tlawh chhanin punkhawm khap a ni a, amaherawhchu, BJP mi leh sa te chu MLA hlui Amar Singh Yadav, Mohan Sharma leh district party unit president, Dilbar Singh Yadav ten hovin kawng an zawh a ni. Madhya Pradesh-ah hian BJP chu eptu pawl an ni. Chief minister hlui, Shivraj Singh Chouhan chuan boruak ralmuang tak hnuaia kawngzawhtute Nivedita-in kut a thlak chu na taka demin, lungmuang taka kawngzawhtute kutthlak theihna chu eng dan bu-ah mah a inziah loh thu a sawi bawk.
