Mizoram Truck Owners Association leh Mizoram Truck Drivers Association-in nimin a\anga bungraw phur chi motor an dan chu vawiin khan chhunzawm a ni a, hei hian naktuk tlai dar 5 thleng a awh ang. Mizoram Truck Owners Association hruaitute hnen a\anga ZONET thu dawn danin, Pick up a\anga motor lian chi thlenga motor an dan hi vawiin pawh khan lirthei neitu leh khalhtuten \ha takin an la zawm a, an pawl hruaitute chu Rangvamuala an check gate-ah leh Kolasib District-a Rengtekawnah chhun zan zawmin an duty a, anmahni tibuai zawnga motor tlan luih tum an awm lo niin an sawi. Mizoram Truck Owners Association hruaitute chuan bungraw phur chi motor veivak an dan hma hian Silchar Truck Owners Association leh Drivers Association pawh an thil tum thlawp turin an ngen a, anni pawhin lo thlawpin, Lailapur-ah nimin a\ang khan motor bungraw phur an lo dang ve niin an sawi bawk. Motor bungraw phur an dan chhan hi kawng chhe lutuk siam \hat thuai phut nan leh a siam\hatna hun pek nan niin MTOA hotute chuan an sawi a, mihring ni tin khawsakna mamawh, buhfai, ei rawngbawlna gas, petrol, diesel leh khawnvartui phur chite pawh an dang tel niin an sawi a, amaherawhchu, bungraw phur chi motor ruak te erawh chu Silchar lam a\anga Aizawl pan leh Aizawl a\anga Silchar lam pan an dang lova, an chhuah zel niin an sawi a ni. Motor an dan hian mihring phur chi bus, maxicab, car leh taxi te erawh chu a huam lo niin an sawi bawk. Zawhna chhangin MTOA hotute chuan Rengtekawn leh Bairabi inkar kawng siam \hat nana lung phur motor te, National Highway 54 leh hmun danga kawng siam \hatna tur lung phur motor-te chu dang lovin an chhuah zel niin an sawi a ni.
