Tourism Minister, Pu John Rotluangliana’n Bung Bangla-a State Institute of Hotel Management din tur chu Sorkar a\anga thawktu lak chungchang tihfel theih ala nih loh avangin hawn theih ala ni rih lo tih eptu pawl group leader, Pu Vanlalzawma zawhna chhangin House a hrilh a. State Institute of Hotel Management din tur hian kum 2006-07 ah bul\an niin, hemi atan hian kum 2007 October thla khan Tourism Ministry a\angin cheng nuai 1,000 hmuh a ni a, heta \ang hian cheng nuai 800 dawn tawh niin, Building hrang hrang leh Hostel pawh sak zawh a ni tawh tih a sawi. Zawhnbelhna dang a chhannaah Pu John Rotluangliana chuan, State Institute of Hotel Management hi a puitlin theih nan theihtawp chhuah a nih thu leh Finance Deparment-ah pawh sum dil a nih tawh thu a sawi a, sum indaih lohna avangin ala hlawhtling rih lo mai chauh tih a sawi. Tourism Minister chuan, Hmarchhak biala an la tih ngai loh Home Stay project chu karhmasa mai khan hawn a ni thu leh hre Project hnuaiah hian Mizoram khaw chhak lama pipu sulhnu awm tamna khaw 7-a chhungkaw mal hnenah mikhual thlenna tur an buatsaih nan pawisa pek a ni a, hei hi hawn a nih hma a\angin chhawr \angkai tawk an awm nghal tih sawiin, a thawh hnihna atan Dampa Sanctuary-ah hetiang Project hi siam leh tum a nih thu a sawi.
