Minister hi PWD SE Highway Circle I leh thawktu dangten an lo dawngsawng a, kawngko min mai hlauhawm a tam avangin hnathawh chak a har thu te, zan lamah phei chuan hna an thawh ngam loh thu te, kawng tlang hun tur an sawi mai theih loh thu te an lo hrilh a, khaw awm danin a zir chuan tunkar chhunga laih tlang theih mai theih an beisei thu hnathawktute chuan an sawi.
Supply Minister hian Kudam hrang hrangah buhfai chhek khawl sa a tam tawk a, mipui nitin mamawh pawh a theih ang anga lakluh zel a nih bawk avangin tun dinhmunah ei leh barah harsat a thlen a hlauhthawnawm loh tih a sawi a, eirawngbawlna gas pawh Mualkhang a\angin Kawngpui leh Durtlang lam kawngah a phurh theih a, harsatna lian tham a thlen a hlauhthawnawm loh tih a sawi. Minister hian Mualkhang Gas Bottling Plant pawh a tlawh a ni.
