Chief Minister chuan, Budget pharh tak pumpui leh an Policy-in a tum ber chu Sorkar laipui a\anga sum hmuh ringawta innghat lovin SEDP hmanga mipui sum thawh chhuah tihpun a nih thu a sawi.
Sorkar hnaruak awmte a \ul anga hnawh khah chho zel tum a ni a, zirna leh hriselna ngaih pawimawh niin, Health Care Scheme \ha zawk ruahman a nih dawn tih Pu Zoramthanga chuan a sawi bawk.
Pu Zoramthanga chuan, Budget an pharh tak chu duhthusamin an buatsaih hman lo tih a sawi a, nakkum lamah chuan inbuatsaihna \ha zawk nen Budget hi pharh theih beisei a ni, a ti a. SEDP-a Rs. vbch. 750 an dah bakah a \ul hun huna hman tur Fiance Department-ah Untied Fund dah niin, hei hi sorkar-in sum a mamawh ang zela hman theih a nih tur thu a sawi. Chief Minister chuan, Sorkar laipui lam a\anga Loan la tura tih an nih \hin avangin sorkar leiba chu awm lo thei a ni lo tih sawiin, hei hi sorkar laka bat a nih avangin enghleh lutuk tur a awm lo a ni, a ti a. Sum enkawl kawngah pawisa dinhmun chu a pawimawh ber a ni a, RBI-a sorkar pawisa neih dan thlir chungin Sorkar laipui-ah Project siama a tam thei ang ber sum haichhuah tum a nih tur thu a sawi a. Tun hnaia sorkar-in Ways and Means hmanga sum a puk pawh RBI nen report inhriat thiam lohna awm vang a ni a, hei hian ni khat chhung bak a awh lo niin a sawi. Pu Zoramthanga chuan, sorkar sum thawhchhuah State’s Owns tax Revenue chu Rs. 573.69 tling tura beisei a ni tih sawiin, hei hi nikuma Rs. vbch. 483.34 aiin a tam zawk a, hei hi hlenchhuah a nih theih nan Bill leh Revenue te taima leh uluk zawka khawn tum a ni a, hetihrual hian sum lakluh tihpunna tur kawngah chhiah thar lakna tur emaw chhiah tihsan tumna emaw a awm lo tih Chief Minister \awiawmtu Fiance Commissioner, Pu Vanlalchhuanga chuan a sawi a ni.
