Kum 83 mi Tibet mi Dalai Lama hian a nawm loh thu a sawi vangin Delhi-a damdawi inah hruai a ni a, a \anpuitu bik Tenzin Taklha chuan doctor te’n a chuap-ah natna hrik a pai tih an hrilh thu leh ni 2 emaw ni 3 emaw enkawla nih tur thu a sawi.
Kum 1950-a China in Tibet chungah a thuneihna a puan hnuah Dalai Lama hi China laka Tibet lak hran tumtu hruaitu hlauhawmah a puang a, China thuneihna paihthlak tuma a beih hlawhtlin tak loh hnuah kum 60 kalta khan humhimna zawngin India-ah a tlanchhia a ni. Dalai Lama thih hnuah a aia awh tur sawilan a ni lo a, China chuan an hruaitu thlan theihna chanvo a neih thu a puan hnuah Dalai Lama chuan China thlan hruaitu chu Tibet mi te’n an pawm dawn lo tih a sawi ve thung.
