BRO Wives Welfare Association-in hmangaih rawngbawl hna an thawh chu \anpui ngaite \anpui kawnga midangte kawhmuhtu a nih ngei a beisei tih sawiin, Larsap chuan, \anpui ngaite \anpui chu mi tin mawhphurhna a ni a, \halaite tan phei chuan \anpui ngaite \anpui aia thil intihhmuh tura \ha zawk a awm chuang lo niin a sawi a ni.
Sorkar laiupui chuan Accessible India Campaign kaltlangin michanhai, riangvaite leh pianphunga rualbanlote ham\hatna tur tam tak a duang dawn tih a sawi a, India Sorkar chu rualbanlohna hrang hrang avanga mi vanduaite tan sorkar thil phal zawk nih theih tumin a in buatsaih mek tih a sawi.
He inkhawmah hian BRO Wives Welfare Association-in Samaritan Riangvai Run \anpuin nana pawnthuah, thawmhnaw, ei tur leh thildang an pek bakah Larsap-in ama puala \anpuina a pekte chu Home Mother, Pi Lalhmingthangi leh naupangte hnenah Larsap chuan a hlan a ni. Samaritan Riangvai Run Board aiawh a thusawitu Pu K. Lalnghinglova chuan, Riangvai Run chu mi \hahnemngaite \anpuina leh mi thilphal te kaltlangin Pathianin a enkawl a ni, a ti.
Hemi hun hian Larsap chuan Project Pushpak-in Samraritan Riangvai Run-a awmte puala Medical Camp an buatsaih chu a tlawh nghal a. Hetah hian Project Pushpak hnuaia 24 BRTF, 71 RCC leh 74 RCC-a Doctor 4 leh tualchhung Doctor 1 leh an mahni puihtu Medical Staff ten Camp-a awmte hriselna dinhmun an enfiah sak a ni. Tun dinhmunah Samaritan Riangvai Run-ah hian mi 52 an awm mek a. Pianphunga rualbanlo mi 54 hnenah thla tin \anpuina Rs. 200 \heuh an pe mek bawk a ni.
