Prime Minister office a luah \an a\anga hapta rukna lekah conservative party hruaitu Boris Johnson-a hian party chhungah harsatna a tawk a, October ni 31 hmaa European Union chhuahsan tura hma a lak danah ama party MP ngeite zingah pawh a dodaltu an awm avangin House of Commons-ah pawh thlawptu a ngah tawk zo lo a ni.
Conservative Party MP 21 te chuan inremna mumal awm lova EU chhuahsan tumna dan anih theihna turin eptu pawlte an thlawp a ni. Prime Minister hian MP hel te chu party a\anga hnawhchhuah an nih tur thu a lo sawi lawk tawh a, Brexit chungchanga House of Common-a vote laknaah Boris Johnson-a sorkar hi a chak zo lo a, thlawptu 301 an awm laiin 328 in an thlawp lo a ni.
