EU lam hruaitute hi Pathianni khan hemi chungchangah hian an lo inhmukhawm tawh a ni. Puan tawh angin UK-in EU chhuahsan a tum hi Brexit tia koh a ni a, Brexit thlen hnua UK leh EU inkar awm dan tur chungchangah an thu a inhmuh theih loh avangin Theresa May pawh hian beih a tawk nasa hle a, UK lam thuneitute chuan Brexit thlen huna an ramin hloh a ngah lutuk loh nan an beih laiin a \hen chuan ruahmanna thlak an tum ve bawk a, EU lam chuan ruahmanna awm sa thlak danglam tir loh an tum ve bawk a, an ruahmanna awm sa hi EU member zinga ram \henkhat pawhin an pawm bik chuang lo a, a sawiho tu pawhin thawhlehni lawk khan Brussels khawpuiah hian an lo inhmu tawh a ni.
