British in EU chhuahsan tura hma a lak chhoh meknaa a sulsutu pawimawh ber pakhat Brexit Secretary David Davis chu a hna a\angin a bang.
Banna lehkha a thehluhah Davis hian Prime Minister Theresa May-i’n EU chhuah dan tur ruahmanna kimchang a duan, Zirtawpnia Cabinet in a pawmpui tak chu sawiselin, hei hi British tan a \ha tawk lo a ni a ti. Prime Minister hain a ruahmanna siam ti tlang tur hian MP rual tam tak rilru hmin a la mamawh avangin tuna Davis-a banna hian harsatna a siam phak thei dawn a ngaih a ni. Kum 2016-a referendum hmanga EU chhuahsan rel thluk anih hnuah British hian nakum march ni 29 ah a takin EU hi a chhuahsan tawh dawn a, a chhuah hnua EU ram te nena insumdawntawnna chhunzawm zel dan turah rel fel ngai tam tak a la awm a ni.
