Hunt-a hian EU Foreign Minsiter te Brussels ah kawmin Iran-in nuclear inremna a bawhchhiat chuan thil pawi zawk a thleng thei a ni a ti a, he inremna, sum leh paia hrekna tinep-a Iran-in nuclear ralthuam a sawngbawl theih chin bithliahna a\ang hian US chu nikum khan a inhnukdawk a, Iran leh US te innghirngnghona karah leh tunhnaia Iran leh UK te inkar boruak a \hat loh chhoh zui bawk avangin Gulf chhehvelah hian boruak a \ang chho hle a ni.
UK hian Iran tuialhthei phur lawng pakhat chu tun thla tir khan a mak sak a, phuba lakna anga ngaih theih turin Iran lawng te chuan British lawng pakhat chu tunhnai khan hun engemawchen an dang bet a ni.
UK in Iran lawng a hren chungchangah hian UK chuan he lawng hi Syria pan tur a ni lo ngei a ni tihchianna a awm theih chuan chhuah a inpeih tih a sawi.
EU foreign minister te nen an inkawmnaah hian Hunt-a hian Iran laka nuclear inremna lo siam tawh chu a la thi lo a, he inremna bawhchhia-a Iran in nuclear ralthuam a ti changtlung a nih chuan nghawng \ha lo tak a nei ngei dawn a ni a ti. He intawhkhawmna neih hma hian Britain, France leh Geermany te chuan Iran laka nuclear ralthuam chungchanga inremna lo siam tawh chu an thlawp tlat tih thuchhuah in\awm siamin an nemnghet nawn bawk a ni.
