Kum 7 chhung London khawpuia Ecuador embassy a inhumtir hnuah Britain police te chuan ningani khan Julian Assange hi an man a, puan tawh angin bail-a chhuah a nih laiin court hmaa inlan tura tih a nih \umah a inlan loh avangin kum khat chhung tang turin a chungthu rel a ni. Assange hian US Army intelligence analyst hlui Chelsea Manning nen thawkin WikiLeaks-ah hian US sipai thuruk leh lehkhat pawimawh \ahnem tak bakah ram palaite inbiakna te an pholang a, hei vang hian US chuan Assange hi US-a hruaia, thubuai siamsak a tum ruh hle a ni. Britain thuneitute chuan Asange-a man a nih a\ang ni 60 chhungin Assange-a laka thubuai ziahluhte tarlangin US-a thawnkirna tur dilna thehlut turin US sorkar a hrilh a ni.
US thuneitute chuan Assange-a laka thubuai an ziah luh tawh te chu endika ziah belh an tum thu an sawi a, Vice President Mike Pence chuan US-in Julian Assange chu dan hmaah thiam loh chantira hrem ngei an tum thu a sawi bawk a ni.
