Britain Prime Minister Theresa May in EU a\anga inla hrang tura ruahmanna a siam, Brexit chu Parliament pawmpui turin a pulut ta a, ni nga chhung sawiho a ni ang.

House of Commons ah hian, nitin darkar 8 chhung zel debate neih a ni dawn a, MP te hian karleh Thawhlehni khian vote an thlak ang. EU a\anga Britain in lak hranna tur, Brexit hi a taka hmang tur chuan MP te hian an pawmpui a ngai dawn a ni.

MP te hian Britain leh EU in inremna chi hrang hrang an siamte chu a mal malin an sawiho ang a, debate ni khatna chu Brexit Secretary Stephen Barclay a’n a khar ang a, a ni hnihnaah ram venhimna lam chungchang Home Secretary Sajid Javid a’n a sawi hawng ang a, Foreign Secretary Jeremy Hunt-a’n a khar thung ang. Ningani ah ram sum leh pai kaihhnawih sawiho a ni dawn a, Chancelor Philip Hammond-a’n sawi hawngin, International Trade Secretary Liam Fox-a’n sawihona tlang a kawm thung ang.