Britain Police-ten nimin khan mi firfiak pawl nena inkungkaihna neia rinhlelh, mi pali an man a, an zingah hian sipaite pawh an tel nia hriat a ni. Heng mi pali-te hi kum 22 atanga kum 32 inkar mi vek an ni a, an pali hian mi firfiak pawl pakhat, National Action Group member an nih an ring a, pawi khawih dan tur an ruahman ngei niin an sawi. Nikuma Britain MP, Jo Cox thah a nih hnu khan he pawl hi Britain ram dan atanga hnawhchhuah a ni a, Britain rama mi firfiak pawl tia sawi theih awm chhun nia hriat a ni a, he pawl member nia rinhlelhte man an nih dan chungchangah hian police-te chuan engkim an ruahman lawk vek nia sawiin, civil mite tana hlauhawm thei thil engmah a thleng lo niin an sawi a ni.
Chanchin Thar Britain Police ten mi firfiak pawla tel mi pali man
