Breach Programme for Certificate for Community Health Nursing zir tura thlante hi B. Sc. leh M. Sc. Nursing zirchhuak tawhte an ni a, heng mite tan hian IGNOU chuan School of Health Science hnuaiah thla 6 chhung thil chi hrang hrangah zirtirna an pe dawn a, practical training chu Aizawl Civil Hospital-ah nei tur niin a senso zawng zawng chu National Health Mission-in a tum thung dawn a ni. Training chhuakte hi Sub Centre thlan bik ‘Health & Welness Centre’ tia vuahah thawkin hriselna chungchang bakah programme hrang hrang an enkawl dawn a. Ruahman dan chuan kumtin mi 10-20 hnenah hetiang training hi pe tum niin, chung mite chu hmun hrang hrangah thawh tir zel tum an ni.
