Bodh Gaya-ah bomb puak, bomb pahnih dang chhar

Bihar-a Buddhist sakhaw hmun pawimawh, Bodh Gaya-ah nimin tlai khan bomb pahnih chhar a ni. Bomb chhar hma lawk hian Bhuddhist sakhaw hotu, Dalai Lama chuan helai hmunah hian thu a sawi a, Bodh Gaya temple tuala bomb pakhat chak vak lo a puah vangin, bomb dang a la awm rinhlelh thil thu-ah temple leh a chhehvel hi an dap tih thuneitute chuan an sawi. Bodh Gaya hi Bhuddhist sakhaw hmun pawimawh berte zing ami a ni a, kum 2013 july thla khan bomb hmang veka beih a lo ni tawh a, temple chhung leh a chhehvel hmun hrang hrangah bomb 10 lai tihpuah a lo ni tawh a, Union Home Ministry chuan Bodh Gaya venhim a remtih hnuah, CISF-te tirh an ni a, an hlawh pe tu tur chiang taka tihfel a nih loh avangin leh temple thuneitute hlawh pek tur an neih khawp loh avangin, mimal security guard an chhawr zui ta a ni.