Defence Minister, Rajnath Singh chuan Pragya Singh a dem thu sawiin, Godse chu ram hmangaihtua a sawi vang chauh ni lovin, chutiang ngaihtuahna a neih hrim hrim vang ringawt pawhin a dem takzet tih a sawi a, Mahatma Gandhi rilru sukthlek dan leh thurin te chu tun hma aiin ngaihtuah leh sawi zui a hlawh chho zel zawk a ni a ti.
Hemi hmalam hian BJP chuan Pragya Thakur chu Rajnath Singh-a kaihhruai parliamentary committee a\anga thlauh thlak an lo rilruk tawh a, vantlang hmaah pawh a thil tihdan na takin an dem bawk nia sawi a ni.
BJP working president, JP Nadda chuan Pragya Thakur chu consultative committee a\anga an paih ngei tur thu sawiin, tun session neih mekah pawh BJP parliamentary party meeting-ah a tel an phalsak dawn lo tih a sawi bawk.
Pragrya Thakru hi Bhopal a\anga MP hmasa ber niin, Special Protection Group (Amendment) Bill sawiho laiin Godse chungchang hi a sawi chhuak a, BJP member te chuan \hu turin an ngen hial a ni.
