BJP MP-in ram himna leh muanna tiderthawng theiah Aadhaar Card sawi

Rajya Sabha-a BJP MP, Subramanian Swamy chuan vawiin khan Aadhaar chu ram himna leh muanna tiderthawng thei thil niin a sawi a, ram danpui lam buaipuitu, Constitution bench-in a ngaihtuah hunah Supreme Court-in a paihthlak a beisei tih a sawi bawk a, Pu Swamy-a hian social media-ah Aadhaar nei vek tura innawrluih a that loh zia PM Narendra Modi-a hnenah a hrilh dawn tih a sawi a ni. Puan tawh angin, sorkar laipuiin hamthatna leh chhawmdawlna hrang hrang dawng tura Aadhaar Card neih ngei ngei a ngai tih thupek a siam vanga lungawi lote’n PIL an thehluh chu SC-in Constitution Bench kutah a hlanchhawng tawh a, court sang ber hian West Bengal sorkarin sorkar laipui thupek sut leh tura ngenna a thehluh chu a pawm sak duh lova, state sorkarin sorkar laipui thutlukna a dodal theih loh thu leh, a duh anih chuan West Bengal CM, Mamata Banerjee-in mimal anga ngenna thehlut tha leh zawk turin, West Bengal sorkar ukilte a lo hrilh tawh a ni.