He inkhawm Pu JB Rualchhinga kaihruaiah hian State President, Pu Vanlalhmuaka chuan, amamawhtute tana hmasawnna thlen chu an tum ber a ni tih sawiin, mipui siam sorkar hian mipui mamawh a pe tur a ni tih chu an ngaihdan a nih thu a sawi a, Sorkar laipuiin mipui chawikan nana hmalakna hrang hrang a kalpui a bikin chenna in nei loten an neih theih nan te, tui, eng leh ek in nei loten an neih theihna tur Scheme hmanga Mizoram chawikan a nih loh chuan State Sorkar mawhphurhna a ni a ti. Pu Hmuaka chuan, mi\henkhatin BJP chu Mizorama an awm ve an phal tur leh tur loh ngaihtuah a ngaih thu chanchinbu-a an ziak hial chungin an Party chuan chak takin hma a sawn mek niin a sawi a, tun hma zawnga an la neih ngai loh MLA pakhat an nei tawh a, MADC-ah phei chuan sorkar ngelnghet tak an siam tawh tih a sawi a, hemi piah lamah hian khaw tam takah VC an nei mek a, an mahni beitute chu an din hmun sawh ngheh tirtu a ni chho mek tih a sawi.
BJP Pisa hawnna leh Pathian hnena inhlannaah hian Rev. V. Kapenga’n Pathian thuchah a sawi a. State Secretary, Pu R. Vanramchhuanga’n an Party hmalakna hrang hrang report a pe bawk.
