Vawiina an party pisaa thuthar thehdarhtute a kawmnaah Pu Vanlalhmuaka hian, covid 19 hri leng mek mai ni lo tun hnu thlenga health lam a changtlun theihna turin sorkar a inbuatsaih a \ul tih a sawi a, central lama an hotute bulah pawh Mizoram sorkarin mamawh a thlen te chu lo ngaipawimawh tura ngenna tunhnai khan an lo thlen tawh tih a sawi. Pu Vanlalhmuaka chuan hri leng avangin mipuite chiai lo tura a duhthu a sawi a, Prime Minister in a sawi angin ram chhunga covid 19 leng avanga ei leh barah harsatna a thlen lohna tur leh ram sum dinhmunin a tawrh lohna turin Union Finance Minister kaihhrai COVID-19 Economic Response Task Force din a ni a ti a, Mizoramin ei leh bara harsatna a tawh lohna turin sorkar \anpui an inhuam reng tih a sawi. Pu Vanlalhmuaka hian, Prime Ministerin Covid 19 laka ram mipuite an him theihna tura Pathianni-a mipui pawn chhuak lo tura a ngenna chu zawm \heuh turin mipuite a sawm a ni.
