Vawiina an Party chhung inkhawmah Prof. JV. Hluna chuan, Union Home Minister, Pu Amit Shah-a’n Mizoram a rawn tlawh hi a lawm awm em em a, Union Home Minister lo kal tur NGO ten Pawndum nena lo hmuah an tum an thulh leh chu thil lawmawm tak a ni tih sawiin, Union Home Minister hnena Mizoram tana \ha tur leh rawtna hrang hrang an thlente pawh a ngaihtuahsak ngei a rinawm a, a thlamuanthlak hle a ni, a ti.
Prof. JV. Hluna chuan, Union Home Minister-in Mizoram a lo tlawh chu Sorkar-na chelh mek leh NEDA a an thawhpui MNF Sorkar tan pawh hlawhtlinna pakhat nia a hriat thu leh mahni kawtkai ngeia Mizoram mamawh hrang hrang thlenna hun \ha an thei chu thil \ha tak a ni, a ti a. Hetih rualin BJP Mizoram pawhin Home Minister hnenah hian Mizoram tana hmalak an tum an thehluh a, chutah chuan Assam leh Mizoram ramri chungchang te, AIIMS Damdawi In 20 din turah Mizoram telh ve tur te, Lengpui Airport chu International Airport-a hlangkai tur te, Chhimtupui Power Project MW 700 pe chhuak thei tur chu Technical Sanction pe tur leh Silchar leh Aizawl inkar National Highway 4 lane a siam tlang tura ngen thlen a ni tih sawiin, hei hi a hlawhtling a nih chuan Mizoram tan hmasawnna nasa tak a ni dawn a, Mizoram leh hnam tan BJP Mizoram chuan theihtawp an chhuah dawn zel dawn a ni,a ti.
He inkhawm hi BJP State Secretary, Pu Vanramchhuanga’n a kaihruai a, State General Secretary, Pu Vanlalhmuaka pawhin thu a sawi a ni.
