He thu hi vawiina Upper Republic-a an Party Pisa-a thuthar lakhawmtute a kawmnaah puangin, Prof. JV Hluna chuan, Mizoramah BJP-in MP a nei a nih phawt chuan Central lama an hotuten Minister nih an tiam tih a sawi a, hei hi tun hnaia hmarchhak bialin Citizenship Amendment Bill, 2016 chungchanga harsatna a tawh mek sukiang turin a pawimawh dawn hle tih a sawi.
Zawhna chhangin BJP hotute chuan, tun hnaia BJP President, Pu Amith Shah-a’n BJP in thuneihna a chang chhunzawm a nih chuan Citizenship Amendment Bill, 2016 tharthawh a nih tur thu a sawi chu thudik a ni a. Hetihrual hian House-a Bill putluh tawh, Pass hman loh chu tihnun thar leh a nih dawn chuan a ngai ang anga tinung lovin siam\hat a ni \hin tih sawiin, Citizenship Amendment Bill, 2016 pawh hi tharthawh leh pawh ni se a hmaa mi ang kha a ni tawh dawn lova, hmarchhak bial mipuite tana him lo nia lang lai chu siam\hat a nih tawh an rin thu an sawi.
Mizoram BJP hotute chuan, MNF Party chu sorkarna an siam tirha NDA-a an tel thu Centrala BJP hotute hrilh chung sia NEDA-a an thawh hona a taka tihlawhtling duh lovah an puh a, dan ang chuan BJP MLA neih chhun Dr. BD Chakma chu Treasury Bench-a \hu tur a nih laiin Opposition Bench lama \huttir a ni chu an lawm lo hle tih sawiin, hetiang tur hian an ni chuan ngen dawn lo mah se, an thawh hona vawn nun an duh a nih chuan a nihna tur ang taka kalpui an duh tih an sawi a, an beisei anga thil a kal lo a nih chuan MNF chu Central lama an hotute lakah an hniam tulh tulh dawn niin an sawi.
