He thu hi vawiina Aizawl Press Club-a thuthar lakhawmtute a kawmnaah a sawi a, CAB chu Mizoram mai ni lo, hmarchhak bial State hrang hrang tan a \ha lo hle a, hei hi a taka tihhlawhtlin a nih chuan Bangladesh a\anga lo lut dan zawh loh a hlauhawm avangin Mizoram BJP hruaitute chuan he Bill hi an Pass dawn a nih pawhin Bangladesh chu Citizenship (Amendment) Bill, 2016 a\anga paih turin Prime Minister an lo ngen tawh nia sawiin, hei hi an ti thei lo a nih pawhin he Bill hi Parliament-a pulut lo turin an ngen tih a sawi. Prof. JV Hluna chuan, Citizenship (Amendment) Bill, 2016 hi tun thla ni 7 leh ni 8 hian Joint Parliament Session-a sawi ho tura dah a nih avangin he sawi honaa pass a nih loh nan Zoram mipuite chu theihtawp chhuaha \awng\ai turin a sawm a ni.
Mizoram BJP chu Zoram hmasawnna tur leh mipuite \hatna tura din a nih angin Citizenship (Amendment) Bill, 2016 chungchangah pawh tlawmngai pawl leh kohhran ngaihdan leh duhdan chu a thlawp a, an lamah an \ang tlat tih sawiin, Prof. JV Hluna chuan, Mizoram BJP chu Chakma Autonomous Dustrict Council chungchang emaw, dik lo taka Voter ID siamsak chungchang emaw-ah inrawlhna an la nei ve ngai lova, hetianga inrawlh tur hian thuneihna pawh an la chang ve lo nia sawiin, hetiang hi thil awmdan a ni chunga diriam taka Mizoram BJP-ten \awngkhum an hlawh \hin chu pawi an ti hle tih a sawi a ni.
