A hmanpuitu Assam-a Silchar bial a\anga Lok Sabha member, Dr. Rajdeep Roy chuan, ram danpui \ha tak hnuaiah mipuite zalen takin an awm a, hetih mek lai hian tuna titi lian ber leh NE pawhin an bengverh ber pakhat chu J&K inhungbikna dan, Article 370 \hiah lailawk chungchang a ni tih sawiin,
J&K hian inenkawlna bik dan an neih hi India ram hmangaihtu tan chuan siam\hat ngei ngei ngai a ni a, hei hi India ram himna atan a pawimawh em avangin ram hruaituten hetiang thil lian tham an ti ngam hi an fakawm hle a ni, a ti a. J&K hi India ram nimahse in relbawlna hrang daih nei ang an ni a, chu chuan nasa takin ram inenkawlnaah harsatna a thlen \hin niin a sawi. Dr. Rajdeep Roy chuan, Sorkar laipuiin Citizenship Amendment Bill a ruahmanah hmarchhak state tan hlauh tur a awm dawn lo tih sawiin, Union Home Minister pawhin NE tan chuan CABchungchang ngaihtuahna hran an neih tur thu a sawi bakah Article 371 pawh tih danglam a nih loh tur thu a sawi tawh niin a sawi.
He inkhawm hi BJP Mizoram Pradesh Vice President, Pi Judy Zohmingliani’n a kaihruai a, State President, Prof. JV. Hluna, IAS (Rtd) Pu Clement Liankunga leh IPS (Rtd) Pu Vanupa Zathang pawhin thu an sawi a ni.
