He sum hi April ni 1 khan Health Department hman tura pek a ni a, thla 2 chhunga hman zawh vek tur a ni tih BJP hian an sawi a. Sum petu NEC hian Health Department chu an sum hmanna, Utilisation Certificate a dil a, sum hman chu sawi loh, a pawisa hi Health Department hian a lo la dawng lo lo a, Finance Department-ah a la tangkhang a ni, an ti.
Covid 19 hri leng vanga sum induh thawh laia Ram leh Hnam hmangaihtu inti te khawsak dan chu BJP Mizoram chuan mak an ti a, an dem hle tih an sawi.
BJP Mizoram pradesh hian sum hman dan hi sorkarin rang taka a pek loh chuan NEC atanga mipuite tana hmasawnna lokal zel tur a khaihlak nasa hle dawn a ni an ti.
BJP hian Mizorama Central Schemes kalpui dan endik tura an din, Central Schemes Monitoring and Vigilance Cell chuan central atanga ruahmanna lo kalte an vil reng tih an sawi a. Covid19 hrileng vang hian Zoram mipuite tumah chhuan chhamin an awm tur a ni lo tih chu sorkar laipui duh dan a ni an ti a, hri leng kaihhnawiha sum lo kalte chu a dawng tur dik takin dawng se an duh tih an sawi.
