Prime Minister-in hri leng vanga harsatna thleng tuam damna tur cheng vbch. nuai 20 a puan bak, hamthatna siam a nih tur thu puan belh a ni chu lawmawm an tih thu Mizoram BJP hian an sawi a. NABARD-in kuthnathawktute tana cheng vbch. sing 9 a ruahman tawh atangin cheng vbch. sing 2, sang 9 leh za 5 ruahman belh a ni a, heng sumte hi State Society Bank kaltlanga pek tur, Buh, Vaimim leh thil dang chinna tura buatsaih a ni an ti a, huan neitu mi maktaduai 25-in a pung tlem chi-a sum an puk theih turin, Concessional Credit for Farmers atangin cheng vbch. nuai 2 ruahman a nih thu an sawi a. Bank kal tlanga sumdawng leh mipui mamawh phuhrukna tur ruahmanna te chu Mizoram mipuiin an chhawr tangkai ve ngei theih nan tun atanga thihtawp chhuah a tul tih Mizoram BJP hian an sawi.
