Vawiina an arty Pisa-a thuthar lakhawmtute a kawmnaah Prof. JV Hluna chuan, tun \uma Mizoram a lo tlawh tur hi Union Home Minister a nih hnuah a lo kal hmasakna ber tur a ni a, hetiang a nih laia Jt. NGO-in lungawi lohna lantir a, pawndum nen hmuah an tum thu an puang chu \ha lo a tih thu sawiin, hetianga lo dawngsawng lo hian Mizoram mamawh leh an thil duh leh phutte \ha takin lo thlen zawk se \ha an tih thu a sawi. Prof. JV Hluna chuan, Union Home Minister hi, DoNER Minister, Dr. Jintendra Singh-a’n a lo \awimawm dawn tih sawiin, a ni pawh hi Mizoram mamawh thlen theihna tur a ni a, Bru chungchanga an ngaihdan te, Citizenship Amendment Bill-te, National Citizen Register leh \ul dangte lo thlen ni zawk se, tuna dawn sawn an lo tum dan ai hian thil \ha a puak chhuah zawk a beisei tih a sawi.
BJP President chuan, tun hnaia Guwahati-a NEDA meeting neih zawh takah khan hmarchhak bial state dangten Assam nena ramri buai chungchang an au chhuahpui vek laia Mizoram Chief Minister-in pakhat mah a sawichhuak ve lo chu \ha lo a tih thu a sawi a. He \hutkhawmna an neih \um hian State hrang hrangin CAB an dodal thu an sawi angin, Union Home Minister, Amit Shah hian CAB kalpui tur chungchangah Hmarchhak tan a bika ruahmanna siam a nih tur leh hmarchhak bialin a bika inhumhalhna dan an neihte chu nuaibo a nih loh tur a lo sawi tawh tih sawiin, tuna Mizoram a lo tlawh hunah pawh hian hei hi chiang zawka a puan beisei a ni tih Prof. JV Hluna chuan a sawi.
Puan tawh angin Jt. NGO Coordiantion Committee chuan, tha thar ni 5-a Union Home Minister Amit Shah-a’n Mizoram a lo tlawh hunah CAB an duh loh lantir nan pawndum nena lo hmuah ni se an ti a ni.
