Telangana Chief Minsiter K Chandrashekar Rao, KCR tia koh hian India chhim lam mi Prime Minister neih theih dan tur kawng dapin Kerala Chief Minister hi a kawm nia sawi a ni a, KCR hi third front chak tak din tuma bei ngat ngat tu a ni a, Congress thawhpui Karnataka Chief Minister HD Kumaraswami pawh be pawpin hmin a tum a, DMK hotu MK Stalin pawh a be pawp bawk a ni.
DMK hotute chuan Stalin hi campaign-a a buai vanglai a nih avangin KCR-a’n tun thla ni 13-a an inkawm tur thu a puan chu a takin a thleng lo mai thei tih an sawi a, KCR-a fanu K Kavitha chuan inkawmna hun tur hi ruatfel a la awm lo tih a hnuah a sawi ve leh bawk.
KCR-a hian BJP leh Congress te pahnih inkarah a khawi zawk mahin sorkarna siam thei khawp thlawptu an nei dawn lova a lan avangin BJP leh Congress kaihhruai ni lo sorkar hi a pian theih a ring a ni.
