BJP in nakum lok sabha inthlanpui thlira West Bengal-a campaign beihpui thlak a tum chu Calcutta high court in kaltlangpui a remti a, hemi hmalam hian Mamata Banerjee sorkar chuan BJP hmalak tum dan hian sakhua leh sakhaw inkara buaina a ti chhuak thei dawn nia sawiin, phal sak lo turin court a ngen a ni.

Court chuan West Bengal sorkar thuneitute chu dan bawhchhiatna a awm lohna tura hmala turin a hrilh ta zawk a, BJP chuan ‘Save Democracy’ tih thupui hmangin West Bengal hmun thumah rally buatsaih a tum a, hmar lam Cooch Behar-ah bul\anin, chhim tawp Kakdwip leh Birbhum district-a Tarapigh Temple ah te rally hi neih a tum a ni.

Heng rally pathumte hian West Bengal-a lok sabha bial 42 vel tuam tura ruahman a ni a, BJP hotupa Amit Shah chuan bial 22 ah hnehna chan an tum thu a sawi a, Mamata Banerjee chuan BJP a hlauh avangin BJP tan harsatna siam dan kawng a dap niin a sawi.