BJP-in hmarchhak bial vil tura a ruat, Pu Sundar Pal-a’n Mizoram chauh chu Congress sorkar-na awmchhun a ni tawh tih sawiin, tunah hian Congress paih thlaa, mipui tan hna an thawh theihna tura an hmabak lian tak Mizoramin inthlan a hmachhawn turah mipuite chu BJP thlawp vek turin a sawm.

He thu hi vawiina Lunglei East Constituency BJP-in Zobawk South Community Hall-a Booth Level Worker Conference an neih a hmanpuinaah a sawi a. India hi Congress Party-in hun rei tak a kaihruai tawh a, Rajiv Ghandhi hunlai khan Budget a\anga zaa 10 chauh mipui chanah dah niin, Sorkar-in zaa 90 a chang thung niin a sawi. Pu Sundar Pal chuan, BJP in a thupui ber chu Development a nih avangin mipui hnena thleng tur chu zaa 100 a dah dawn niin a sawi a. Prime Minister, Pu Narendra Modi kaihhruai BJP Sorkar-in mipui tana hma\hatna hrang hrang a siamte Mizo mipuiten an chan ve theih nan thuneihna an chan tir a ngai niin a sawi.

State General Secretary, Pu Vanlalhmuaka pawhin an party-in thuneihna a chan hunah chhimlam mipuite remchan zawk nan Lungleiah Mizoram University Southern Campass din turin hma an la nghal dawn tih a sawi a. Hei hi an tihhlawhtlin theih nan Lunglei bialah an party-in hnehna a chan a ngai tih sawiin, hetihrual hian hnehna chang tura an Campaign naah an Party mite chu Party dang sawichhe lova, PM Narendra Modi hmalakna leh mipuite tana a hnathawh hrang hrang mipui ten an hriat theih nan hrilh hre \hin turin a chah a ni.