Hindustan Times chanchinbu-in an kawmnaah Prime Minister hlui Manmohan Singh-a’n UPA sorkar laiin mifirfiakte leh hel pawlte lakah vawi engemawzat beihpui thlak a nih thu a sawi hnuah BJP hruaitu Arun Jaitley chuan heng beihpui thlakna te hi a tak hmuh tur awm lo a nih thu a sawi a, kum 2008-a Mumbai beih a nih \um pawhin sipai te chet chhuah an inrin reng laiin Manmohan Singh-a sorkar chuan hma lak a hnekin \hat chhuah tumin mifirfiak 25 an chhuah tih a sawi a, heng mi chhuah zinga mi hi Pathankot-a pawikhawihnaah inhnamhnawih niin a sawi bawk a ni.
Jaitley-a puhna te chhangletin Congress thupuangtu Rajeev Shukla chuan UPA sorkar hnuaiah mifirfiak leh hel pawlte lakah \um 6 beihpui an thlakte an sawi chhuak a, Atal Bihari Vajpayee hnuaia BJP kaihhruai NDA sorkarna hnuaiah beihpui thlakna \um 2 a tarlang bawk a, heng ram hruaitute hian an hmalaknate hi sawilang kher loin, politics lama hlawkna hmuh nan an hmang ve lo tih a sawi.
Prime Minister hlui leh sipai hotu hlui-in beihpui thlak a nih \hin thu an sawi hnua finance minister-in heng an hmalakna te hi hmuh tur awm lo nia a sawi chuan Manmohan Singh leh Atal Bihari Vajpayee te dawt sawiah a puh mai bakah ram sipai te a sawi chhe tel a ni a ti.
