Manvendra Singh hian thla hmasa ni 22 khan BJP hi a lo chhuahsan tawh a, BJP a zawm chu a tisual hle nia a hriat thu a sawi bawk a ni. Hemi hma hian Congress hruaitu Ashok Gehlot chuan BJP hian PM pawh ni thei tura ngaih, Jaswant Singh-a an tih dan chu a dik lo hle niin a lo sawi tawh a ni. Jaswant Singh hi kum 2004 khan BJP chuan Lok Sabha seat chuh an phal sak lo a, independent-in a ding zui a, BJP candidate a hneh zo lo a, a hnu lawkah BJP a\anga hnawhchhuah a ni a, Manvendra Singh pawh hi hotu a nihna hlihsak a ni bawk a ni. Congress chuan Manvendra Singh vang hian Rajput hnam te vote an neih theih an inring hle a, Rajput hnamte hi Rajasthan-a vote awm zawng zawng za zela pasarih vel nei anga chhut an ni a, BJP an lo vote tlangpui tawh \hin a ni.
