Bihar Muzaffarpur-a naupang \anpui ngaite awmna hmun enkawltu, thla tam tak chhung hursualna kawnga naupangte chunga lo che tawh \hin Brajesh Thakur chu POCSO Act hnuaiah thiam loh chantir a ni.

Hemi rual hian he hmuna naupang awmte laka hursualna lam hawia chetnaa inhnamhnawiha puh ve tho midang 19 te pawh thubuai engemawzatah thiam loh chantir an ni a, an zingah hian Bihar People’s Party MLA hlui pawh a tel a ni.

Heng mite hrem dan tur hi tun thla ni 28 khian Court chuan a puang dawn a ni.

Muzaffarpur-a thil thleng hian mipuite a barakhaih hle a, naupangte hi zahmawh rawngkai hlaah lam luihtir \hin an ni a, chiu ruiha pawngsual \hin an ni tih hriat chhuah a ni bawk.