He natna hi a \aidarh chak hle a, nitin he natna vei hi an pun belh zel a ni. Muzaffarpur-ah he natna vei hi an tam bik avangin Bihar Chief Minister, Nitish Kumar chuan Muzaffarpur khuaa cheng naupang, encephalitis vanga thi chhungte hnenah cheng nuai 4 \heuh pek an ni dawn tih a puang a, Health Deptt. te, District thuneitutete leh Doctor te chu he natna do kawnga chak taka hma la turin a hrilh bawk a ni. Health Minister pawhin Muzaffarpur khua hi panin thil awmdan a enfiah a, Union Health Ministry pawhin Bihar chu a theih ang anga \anpui a inhuam thu a sawi bawk.
Central Investigation Team pawh Muzaffarpur-ah hian tirh an ni tawh a, he natna len chhan hi an zirchiang mek a ni. Union Health Minister, Dr. Harsh Vardhan kaihhruaiin Health Minister, Ashwani Chaube leh Bihar Health Minister, Mangal Pandey bakah Union Health Secretary Preeti Sudan leh Joint Secretary, Lav Agarwal te chu \hukhawmin natna leng mek do dan tur leh tih rem dan tur an ngaihtuah a ni.
Health Minister chuan damdawi ina awm mekte chu ngaihven \hat an ngai tih a sawi a, invenna lam uluka, tihchak a ngai tih a sawi a, Joint Secretary, Lav Agarwal hova thawk chhuak Central Investigation Team chuan Muzaffarpur khua chu awmchilhin an vil reng dawn a, ambulance pawh a \ul huna che chhuak vat turin 10 an dah belh a ni tih a sawi.
