Sri Krishna Medical College Hospital-a Superintendent, Sunil Kumar Sahi chuan naupang 225 te chu enkawl an nih hnuah chhuah an ni leh tawh a, naupang thi zat hi 177 an tling tawh tih a sawi. He natna chhuichiangtute chuan chhungkaw 293 te dinhmun an enfiah tawh a, chhungkaw 500 chuang an la hmabak te pawh uluk takin an zirbing zel dawn a ni. Bihar Chief Minister Nitish Kumar chuan Health Deptt. chu he natna avanga tuartu chhungkuate chu a rang thei ang bera enfiah vek turin a hriattir a ni.
Hetihlai hian Supreme Court chuan sorkar laipui leh Bihar sorkar chu Muzaffarpur-a naupang 100 chuang thihna thleng an ngaihthah leh an bawhzui vat lo nia sawi awm chu ni 7 chhunga insawifiah turin a ti a. Court chuan eitur \ha tehna te, damdawi in hmanrua leh hriselna lam tehna te thlur bing turin a ti a, sorkar laipui chuan a theih dan ang angin hma an la mek tih Supreme Court hi a hrilh a ni.
Bihar Health Deptt. chuan tun thla ni khat a\ang khan district 40 zinga 20-a naupang 600 ten he natna hi an kai tawh tih a sawi a, Muzaffarpur chu a tuar nasa ber a ni, naupang 430 damdawi ina enkawl an ni a, 129 in an thih phah tih a sawi.
