Bible Society of India, Aizawl Auxiliary in hrileng, Covid-19 vanga ramri depa duty-te chhiar turin Mizo Project Holy Bible 312, Bengali Thuthlung Thar copy 40 leh Bengali tawng Chanchintha Johana ziak copy 300, a vaiin copy 652 an thawn chhuak.

Heng Pathian thute hi Synod Conference Centre-a Bible House atanga thawn chhuah a ni a, Auxiliary President, Rev. Dr. H. Vanlalauva’n Bible-te hi Pathian hnenah a hlan a ni.

Auxiliary Secretary, Rev. Remlalfaka chuan hrileng vangin Pathian thu chu phuarin a awm ve lo va, kharkhip theih a ni ve lo a, khawvelin Pathian thu a mamawhna a zual zawk avangin, Pathian thu thehdarh hna chu chawlhsan ve a rem lo a ni a ti.