Inhnuhdawh theih hun hnuhnung ber vawiin tlai dar 3-a a ral hma khan Aizawl East II bial leh bial dangah hming pe lut mi pathum an inhnukdawk a, hemi hnu hian party hrang hrang candidate ding tlang tur zat chu 209 an ni ta a ni. Hming pe lut 8 awmna Hachhek biala NGO Coordination Committee rawtna anga common candidate tura hming pe lut, Pu J. Lalsailova chuan Zonet zawhna chhangin inhnuhdawh huna a inhnuhdawh danah thil tihfuh loh a awm avangin hun tiam chhungin a inhnukdawk hman lo tih a sawi a, amaherawhchu, NGO Coordination Committee nena an inbiaknaah he biala Tuikuk candidate an awm chuan tia thu dah a nih avangin an awm tak si lovah chuan a tan candidate dangte anga campaign zui a ngai dawn lova, a hming pek luh chu candidate hming zingah la awm zui mah se inhnukdawk leh angin a awm zui dawn niin a sawi a ni.
Puan tawh angin vote thlak ni tura ruat tun thla ni 28-ah chuan zing dar 7 a\anga tlai dar 4 thleng vote thlak theih a ni ang a, vote tla te chu State danga Assembly inthlanna vote tla chhiar rualin December ni 11-ah chhiar a ni ang a, inthlanna pumpui chu December ni 13-ah zawhfel a ni ang.
