Bhopal leh Indore inkar kawngpuia neitu awm lo, bawng rual an tlat vanga chetsualna thleng chungchang Congress hruaitu Digvijaya Singh-a’n a sawi chhuah hnuah Madhya Pradesh Chief Minister, Kamal Nath-a’n bawng 3,000 leng tur bawng in sak a nih tur thu a sawi.

Kamal Nath chuan kawngpuia bawng tla te buaipui turin sorkar hnathawkte a ngen tawh thu Digjiyaya chu hrilhin bawng 1,000 lenna tur bawng in sak mek a nih thu leh kum tharah bawng 3,000 lennna tur sak leh tum anih thu a hrilh a ni.

Madhya Pradesh Chief Minister chuan kawngpuia bawng tla an awm \hin chu a ngaihmawh thu sawiin, Madhya Pradesh khawpui ber chu ran enkawltu nei lo awm tawh lohna tura siam tum a ni tih a sawi bakah, bawng chu rinna kaihhnawih tel a ni a, politics thila lak chi a ni lo a ti a, kum danga an la tih ngai loh, bawng humhim tura hnathawh chu thil tihmakmawh a ni tih a sawi.