Bethlehem Joint Action Committee-in nikum December atanga ruihhlo chi hrang hrang an man khawm chu vawiin khan an hal ral a. Hemi puala inkhawm tawi an veng kawna neih chu JAC chairman, Pu K. Lalramhmachhuana’n a kaihruai a, Bethlehem venglai Prebyterian Kohhran bialtu, Pastor Lalhmachhuana’n a halral a ni. JAC Secretary Report atanga a lan danin, nikum Decmeber atanga vawiin thlenga Bethlehem JAC-in ruihhlo an man hi a vaiin cheng 1,16,805 man hu a ni a, vawiina a hal ralna inkhawmah hian an veng chhunga tlawmngai pawl leh Kohhran hrang hrang member-te an tel a ni.
