Health Department-a National Programme for Prevention and Control of Deafness bultumin Bengngawngte Ni, World Day of the Deaf chu Assembly Annex Conference Hall-ah vawiin khan hman a ni a, a hmanpuitu, Health Minister, Pu Lal Thanzara chuan, Mizo-ten bengngawng leh ri hriatna lamah harsatna neite an en dan chu sim a, rilru puthmang dik lo pawh thlak a hun tawh thu a sawi. Sorkar kum kal mekah hian National Programme for Prevention and Control of Deafness chhinchhiah danin Mizoramah ri hriatna lama harsatna nei, mi 11,696 endik an ni a, Beng \ha lo hmuh chhuah 7,013, ri hriatna hloh 1,505, Beng zai 966 leh beng lama harsatna nei 5,508 an awm a, Beng dar pawh mi 615 an pe tawh bawk. He ni hmanna hi Hospital & Medical Education Director, Dr. T. Lalhmangaihi’n a kaihruai a, NPPCD State Nodal Officer Dr Eric Zomawia’n an hnathawh dan a sawi bakah SCERT Deputy Director, Pi Vanlaldiki Sailo-in zaizira thil sawi, sign language chungchang a sawi a, Gilead Special School leh Deaf School of Mizoram-ten lam leh zaizir hmangin an thiam thil an entir a ni.
