Bengaluru-ah t<kin khan in pakhat a chim avangin mi 7 an thi a, mi dang tam tak pawh a delh nia hriat a ni. He thil thlenna hmun hi Ejipura vengah a ni a, ANI news agency sawi danin, he in hi gas bur a puah avanga chim a ni a, a vai erawh chuan a chim chhe vek lo a ni. The Hindu chuan, he thil thlen hun hi zing dar 6:30 vel kha niin a sawi a, state Home minister, Ramalinga Reddy chuan he hmun hi a tlawh nghal a, chhawng hnuai ber leh chhawng khatnaa ei rawngbawlna gas thukah a bur a awm lo tih sawiin, hengte hi a puak a ni mai thei tih a sawi. Kang \helh pawl leh National Disaster Response Force miten he hmun hi an pan nghal a, ruang leh hliamte an buaipui nghal a ni. Development minister, KJ George chuan thi ta chhungte hi cheng nuai 5 \heuh, hliamte hi Rs 50,000 \heuh p>k a tiam a, hmeichhe naupang pakhat, he thil thlenga a nu leh pain an thihsan pawh state sorkarin a enkawl zui tur thu a sawi. August ni 13-ah khan Ejipura-ah vek hian hetiang deuh hi a thleng tawh a, gas bur a puah avangin in leh car darthlalang tam tak a keh tawh a ni.
Chanchin Thar Bengaluru in chimah mi 7 thi
