Princes Ubolratana Mahidol kum 67 mi hi prime minister hlui Thaksin Shinawatra-a party phel lehlamin an huikhawm, party \angrual aiawhin a ding dawn a, tunhma lam zawngin Thai lal chhungkua hi politics lamah an inhnamhnawih ngai lo a ni. Thailand inthlanpui hi March ni 24 ah neih tur a ni a, kum 5 zet sipai thuneihna hnuaia awm tawh Thailand ah hian mipui rorelna din lehna tur a nih avangin tuna inthlanna neih tur hian ngaihven a hlawh hle a ni. Princess Ubolratana Rajakanya Sirivadhana Barnavadi hi kum 1951-a piang a ni a, Thailand lal boral tawh King Bhumibol Adulyadej fa upa ber a ni a, a pa hi kum 2016 khan a thi a ni.
Massachusetts Institute of Technology ah lehkha zirin, kum 1972 khan America mi pasalah a nei a, lal chhungkua a nihna pawh a kalsan a. A pasal nen an in\hen hnu kum 2001 ah Thailand ah hian let lehin lal chhungkaw zingah a khawsa leh a ni.
