He Cyclone-in a thlen chin leh a nuai tur hi Indian Meteorological Dept. in a zirchiang reng a, hemi behchhana Science and Technology Dept hnuaia Berawtlanga Meteorological Centre-in thuchhuah an siam danin tukin zing dar 9 khan tuipui chunga he thlipui tleh mek hi cyclone na chi, “Extremely Severe Cyclonic Storm” a ni tawh a, darkar khata km 180 \anga 190 inkar velin a tleh a, darkar khata km 210 laia chak pawh ni chho thei tura hmuhlawk a ni. Vawiin chawhma lam khan Andra Pradesh leh Odhisa tuipui kam hnaih lam leh India Lawngchawlhna hmunpui pakhat Visakapatnam atanga chhimchhak Km 430 vela hlaah te a tleh a, Naktip Zirtawpni tlai lam dar 5:30 velah Puri leh Lake Chilka velah he cyclone hian khawmual a hrut thuak rin a ni.
Cyclone Fani hian Mizoram hmar lamah ruahtui a rawn thlen \hat viau rin a ni a, thli erawh a chak tawh dawn lova, Pathianni khi chuan zuihralin Deep Depression levelah a tla thla tawh dawn a, thli avanga buaina tur a awm dawn lo niin a lang tih Meteorological Centre Berawtlang-a mithiamte chuan an sawi.
