Bawngkawn Lungleia Road-a kawng chhak lam leiminin National Highway No. 54 a hnawhpin chu siamtlang a ni leh tawh a, helai kawng hi nizan dar 6:30 a\anga lirthei eng chi pawh kal theiha hawn a ni.

Traffic hotute hnen a\anga Zonet thudawn danin, helai hmuna lung leh lai tla thiantu PWD chuan kawng hi nimin tlaia an then zawh hnuah lei tla leh mai theite tui hmanga phuh fai a ni a, hemi hnu hian kawngpui chu lirthei chi tin zawh theiha hawn chhunzawm nghal a ni a, lirthei te chu a hmaa an tlan dan pangngaiin an tlan leh thei tawh a ni.

Hetih rual hian kawng chhak lamah lung leh lei tla leh mai thei ala awm nia ngaih a nih avangin Traffic Police-te chu helai hmuna thil awmdan enfiah turin vawiin khan nilegin Duty tir an ni. Bawngkawn, Lunglei Road-a Hauva Petrol Pump thlen hma kawngpui chhak lam hi Ningani kalta zana min a ni.