Nizan dar 8:30 vel khan Bawngkawn Lunglei Road tawn tirh, City Bus Stand ep-a Pi Lalhlimpuii in, concrete building, dawr atana luah lai chu a kang a, kang \helh pawl leh mipuiten darkar 2 vel an \helh hnuah in dang kang kai lovin \helh mih a ni. Police hotute hnen a\anga thu dawn danin, kang \helh nan hian kang\helh motor 4 hman a ni a, mimal tui chawi motor 3 pawhin tui an pe a ni. Kangmei chhuak avang hian thi an awm lova, amaherawhchu, kang\helh pawl zinga mi, Station Officer, Pu Lalremmawia chu chhuat awng a\angin a hnuaiah a tla a, a dar leh a ke vei lam a sawh nat avangin Greenwood Hospital-ah dah a ni a, thih hlauhthawnawm erawh chu a ni lo a ni. He building-a dawr kangte hi LBS Hardware leh LBS Cotton Mills inzawm bakah 99 dawr pakhat a ni a, in kang hi a sira in dang kang mut hman nual mah se, kang tak tak lova \helh mih a ni. Kangmei avanga bungraw chan tak hi a hlut zawng kimchang taka chh<t chhuah theih la ni lo mah se, cheng nuai 150 chuang hu a kang chhiaa ngaih a ni. Kangmei chhuah chhan hi chiang taka hriat theih ni lo mah se, electric kal sual a nih rin a ni. He dawr pahniha thil seng hawi tur leh chinfel tur awmte chu Bawngkawn Local Council leh YMA ruahman angin vawiin khan seng hawi a ni a, amaherawhchu, Insurance Company mite en theiha dah a \ul avangin thil tam tak chu a nih dan anga hnutchhiah a la ni. Kangmei chhuahna hmun hi bialtu MLA, Pu R. Romawia chuan nizan khan a tlawh a, Minister dang, Pu H. Rohluna pawhin a tlawh bawk a, Aizawl Bawrhsap Office a\angin Officer-ten an tlawh tawh bawk.
