PWD hotute hnen a\anga Zonet thudawn danin, lei tla hi tukin dar 6 a\ang khan a tawn tawn a\angin lei laihna khawl hmanga ngawrh taka then chhunzawm zel a ni a, ko chhak lamah lei tla leh mai thei engemawzat ala awm avangin hna hi chak taka thawh theih a ni lo a ni. Lei tla thenna khawl pakhat chu chawhnu dar 1 vel khan a chhia a, hei hi siam\hat anih hnuah chawhnu dar 2:40 vel a\ang khan hna a thawk \an leh nghal a ni. PWD hotute chuan, motor kal theih tur ngawr ngawr chuan lung leh lei tla hi thenfai harsa lutuk lo mah se, kawng chhak lama lei tla leh mai thei nia ngaihte chu thenfai phawt an duh avangin motor kal theiha kawngpui sial tlang hmain kawng ko-a lei awmte chu thenfai hmasak phawt a nih tur thu an sawi a, naktukah pawh hna hi chawl lova thawh chhunzawm a nih tur thu an sawi. Tluang taka hna an thawk thei a, ruah a sur chhunzawm rih lo a nih chuan naktuk lamah chuan kawngpui hi lirthei zawh theiha thenfai hman an inbeisei a ni.
Leiminna hmun hi vawiin khan Aizawl DC Pu Vanlalngaihsaka hovin Disaster Respond Force leh DM&R hotuten an tlawh a, kawngpui hi laih tlang lo ni ta se, lirthei zawh atan a him tawk em tih leh \ul dangte an enfiah a ni.
Traffic hotute chuan, kawngpui hi ala tlang loh avangin Zemabawk a\anga Aizawl khawpui chhung pan turte chu nimin lama ruahmanna an lo siam tawh anga tlan chhunzawm tir zel a ni tih an sawi a. Kawng ping hian harsatna engemaw chen siam bawk mah se, lirthei che vel enkawl kawngah harsatna lian tham lutuk an tawh phah lo tih an sawi.
Puan tawh angin Bawngkawn, Lunglei Road-a Hauva Petrol Pump bul kawngpui chhak lam hi Ningani zan khan a min a, lei min hian Lunglei Road Motor kawngpui chu lirthei engchi mah kaltlang theih lovin a hnawhping vek a, a bula hnaia awm chhungkaw 16 chu hmun him lama suan chhuah an ni.
